Onderwijscoach

Fakatuere by Semko • Taalplan Frysk 2030 • Underwiiscoach Frysk
Hasto romme ûnderfining yn it ûnderwiis, makkest maklik kontakt en wolst skoallen mei rêst, humor en oandacht fierder helpe mei it Frysk?
Do wurkest fanút hûs, giest op paad nei skoallen en krijst de nedige ynwurking en coaching fan Semko. Do kinst dyn tiid hielendal sels yndiele: de iene moanne wurkest bygelyks 12 oeren, de oare moanne 6 oeren en soms in hiele moanne neat. As it by dy past, kin dat op termyn groeie.
Likernôch 1 oant 2 dagen yn 'e moanne, hiel fleksibel yn te dielen
Do kinst dyn tiid hielendal sels yndiele: de iene moanne mear, de oare moanne minder of soms neat.
Wy begjinne lyts: earst in pear skoallen, sadatst der rêstich yn komme kinst.
Wy geane net foar grutte halen, mar foar lytse, duorsume stappen.
Ek asto mei pensjoen bist, nûgje wy dy fan herte út om te reagearjen.
Likernôch 1 oant 2 dagen yn 'e moanne
Hasto romme ûnderfining yn it ûnderwiis, makkest maklik kontakt en fynsto it moai om skoallen fierder te helpen sûnder sels foar de klasse te stean?
Foar Taalplan Frysk 2030 sykje wy in Skoalstiper Frysk. Net ien dy't komt te fertellen hoe't it moat, mar foaral ien dy't goed harkje kin, ferbining makket en skoallen helpt om lytse, helbere stappen te setten dy't echt by harren passe.
Net as eat dat "der noch by" moat, mar as taal dy't libbet yn de skoalle, yn de klasse en yn de omjouwing fan bern. As skoalstiper helpsto skoallen om dêr op harren eigen manier mei oan 'e slach te gean.
Do giest op paad nei skoallen en stiest yn kontakt mei de oare skoalstipers fan Semko. Do wurdst goed ynwurke en krijst de nedige coaching. De iene moanne wurkest bygelyks 12 oeren, de oare moanne 6 oeren en soms in hiele moanne neat. As it by dy past, kin de funksje letter groeie, mar dat hoecht net.
Do besikest skoallen, hast petearen mei direkteuren, learkrêften en taalkoördinatoaren en harkest goed nei wat der al is, wat der libbet en wêr't kânsen lizze...